Transcription
1
Monsieur, j’ay receu ce jord’huy deux de voz lettres du XIII et XVme.
2
Quant à ce que feust paict par les soldatz à Vifz je y ay tenu la main
3
tant que j’ay peu pour faire rendre aux paouvres gens ce que leur avoit
4
esté prins. Le cappitaine Gobert y a tenu la main à l’endroyt de ses
5
soldatz de tout son pouvoir. Il y avoyt des ytalliens et des
6
enfans de la ville aussi mal completionnez[ ?] les ungs que les autres.
7
Il y a certains soldatz qu’estoient lez plus charges que soudain
8
s’absentarent de ceste ville. Quant à ce que me mandés que monsieur
9
le marquis de La Chambre avoyt adverty que l’ennemy passoyt par
10
La Rochette, comme j’en fuz adverty, les chevaulx legiers
11
que sont en ceste ville, et quatre vingtz arquebusiers, ont couché
12
deulx soirs sur lez passages pour lez attendre ; en n’ont point
13
passé par ce pays, car je l’heusse sceu, mesmes s’ilz feussent arrivez
14
a Mens. Je ne scay quelz sont eulx qui tachent à malfaire. Mays
15
vous asseureray je bien par ceste que la faulte ne vient point par
16
moien et que je ne tyenne la main à tout ce que je puys. Et quant
17
à celle du quinziesme du present de ma part, j’aurey tousiours
18
l’œil au faict de ma charge de tout ce que gentillilhome pourroit
19
faire. Sy je cognoissoys aulcung voisin qui feust en maulvaise
20
volenté je vous en tiendrey adverty, et l’empecheray de toutr
21
mon pouvoir, qui me fera finz ceste par mes humbles et affectionez
22
recomandations à votre bonne grace et prie dieu vous donner
23
Monsieur, en parfaicte santé heureuse vie et longue, de Grenoble, ce XVIIe
24
mars 1574
25
Votre treshumble et aubeyssant
26
servyteur
27
La Thivolliere